सुदर्शन बजगाई,गोकर्णेश्वर अनलाइन । गोकर्णेश्वर नगरपालिकाका कर्मचरीले कार्यलय समयमा राम्रोसंग सेवा प्रवाह नगरेको भन्दै नगर प्रमुख दिपक रिसाल र उप-प्रमुख सान्नानी लामा एक्सनमा उत्रिएका छन् ।
अनुगमन गर्दा २५-३० प्रतिशात कर्मचारीमात्र कार्य स्थलमा सेवा प्रवाह गर्दै गरेको भेटिएको र जनगुनासो बढेकाले कर्मचारीलाई मिटिङ गरेर अब नगरपालिका निर्मम ढंगले अघि बढ्न लागेको गोकर्णेश्वर नगरपालिकाका उप-प्रमुख सान्नानी लामाले बताउनुभयो ।
नगरपालिका ,मातहतका वडा कार्यालय र नगरपालिकाले सेवा दिने सबै निकायमा कुनैपनी समयमा छड्के जाँच गरिने र कार्यलय समयमा काम नगर्ने र जनतालाई चुस्त दुरुस्त सेवा प्रवाह नगर्ने कर्मचारीलाई ठाउँको ठाउँ कारबाही गरिने गोकर्णेश्वर नगरपालिकाका नगर प्रमुख दिपक रिसालले गोकर्णेश्वर अनलाइनलाई बताउनु भयो ।
गोकर्णेश्वर नगरपालिकाभित्र कुनै कर्मचारीले दुख दिए र राम्रो ढंगबाट सेवा प्रवाह नगरे नगरपालिकाले त्यस्ता कर्मचारीलाई कारबाही गर्ने गोकर्णेश्वर नगरपालिकाका उप-प्रमुख सान्नानी लामाले गोकर्णेश्वर अनलाइनलाई बताईन् ।
नगरपालिकाले नगरवासीको गुनासो र सुझाव संकलन गर्न प्रत्यक वडामा गुनासो र उजुरी संकलन पेटीका राखिने नगर प्रमुख दिपक रिसालले बताउनु भयो ।
नगरपालिकाको कदमले कर्मचारी वृत्तमा भुईचालो गएको छ । जनतालाई चुस्त दुरुस्त सेवा दिन नगर-प्रमुख र उप-प्रमुखको यो कदम कत्तिको फलदायी साबित हुने छ त्यो भने हेर्न बाँकी छ ।
