सुदर्शन बजगाई,गोकर्णेश्वर अनलाइन । गोकर्णेश्वर नगरपालिकाले वार्षिक ८६ लाख १६ हजार घरभाडा तिर्ने गरेको पाईएको छ । चलन चल्ती अनुसार ५ वर्षमा नगरपालिकाको भवन बनाउन पुग्ने पैसा घरबेटीलाई बुझाएर नगरपालिकाले ब्यापारी पोस्ने काम गरेको पाईएको छ ।
गोकर्णेश्वर अनलाइनलाई प्राप्त भएको विवरण अनुसार गोकर्णेश्वर नगरपालिकाले साविकको गोकर्णेश्वर नगरपालिका स्थापना हुँदाको भवन,हालको शिक्षा युवा तथा खेलकुद शाखा रहेको भवनको घरधनीलाई मासिक भाडा बापत १ लाख ६८ हजार रुपियाँ बुझाउने गरेको छ ।
अहिलेको छाहारी युवा क्लबको अगाडि रहेको नगरपालिका भवनलाई भने गोकर्णेश्वर नगरपालिकाले चर्को भाडा तिर्ने गरेको छ ।
गोकर्णेश्वर अनलाइनले प्राप्त गरेको सूचना अनुसार गोकर्णेश्वर नगरपालिकाले आफ्नो कार्यालय प्रयोग गरे बापत घरधनी दिपक कुमार भण्डारीलाई मासिक रु ५ लाख ५० हजार बुझाउने गरेको छ ।
स्थानियका अनुसार बजारमा चलेको दरभन्दा घरधनी दिपक कुमार भण्डारीलाई अस्वभाविक भाडा बुझाईएकोले कतै कमिशनको खेल त लुकेको छैन भन्ने प्रश्न जनतामा उब्जन थालेको छ ।
घरधनी भण्डारीसंग सन्तोष चालिसे नगरप्रमुख हुँदा सम्झौता गरिएको हो ।
हामीलाई प्राप्त भएको सूचनाअनुसार घरधनी दिपक कुमार भण्डारीसंगको सम्झौता करारको अवधी २०७९ श्रावण १ बाट २०८२ असार मसान्त सम्म ३ वर्षको रहेको पाईएको छ ।
घरधनी सरोज कुमार श्रेष्ठ र गोकर्णेश्वर नगरपालिकाबीच भएको घर बहाल सम्झौता पत्र :
घरधनी दिपक कुमार भण्डारी र गोकर्णेश्वर नगरपालिकाबीच भएको घर बहाल सम्झौता पत्र :
