सुदर्शन बजगाई,आशाका किरण समाचार । निजि तथा आवासीय विद्यालय अर्गनाइजेसन नेपाल प्याब्सन काठमाडौं जिल्ला समितिको १६ औं अधिवेशनमा लिवर्टी एकेडेमी जोरपाटीका प्रधानाध्यापक ओमप्रसाद ढकालले सचिवमा उम्मेदवारी दर्ता गराएका छन् ।
हिजो २०८१ पुस २२ गते प्याब्सन काठमाडौं जिल्ला कार्यालयमा ढकालले उम्मेदवारी दर्ता गराएका हुन् ।
विगतमा सहसचिव निर्वाचित ढकालले एक कार्यकाल सह-सचिव भैसकेको र समग्र जिल्लाभरका प्याब्सनिस्ट साथीहरुको सल्लाह अनुसार सचिवमा उम्मेदवारी दिएको आशाका किरण मिडियालाई बताए ।
सबल प्याब्सन सुखी विद्यालयको नारा बोकेर आफू प्याब्सनको चुनावमा होमीएको ढकालले बताए ।
२५ वर्षभन्दा बढी शैक्षिक क्षेत्रमा अनुभव हासिल गरेका ढकाल अधिवक्ता समेत हुन् ।
निसान,इसान जस्ता संस्थाको नेतृत्व गरेर आफुलाई प्रमाणित गरिसकेका ढकालसंग अन्य दुई उम्मेदवार भिड्दै छन् ।
प्याब्सन काठमाडौं जिल्ला अध्यक्षमा नवराज भट्ट र कोषाध्यक्षमा डि एन अधिकारी निर्विरोध निर्वाचित भएपनी अन्य पदमा चुनाव हुने भएको छ ।
२०८१ पुस २७ गते बत्तिसपुतलीमा रहेको अनुपम फुडल्याण्डमा अधिवेशन तोकिएको छ ।
प्याब्सन काठमाडौंमा झण्डै ६०० विद्यालय सदस्य रहेका छन् । जिल्ला अधिवेशनले ३ वर्षकोलागी नयाँ नेतृत्व चयन गर्नेछ ।
