सुदर्शन बजगाई,आशाका किरण समाचार । प्रदेश नं. २ का प्रदेश स्काउट तदर्थ समितिका संयोजक तथा सदस्यहरूको दीक्षान्त एवं पद तथा गोपनीयताको सपथ ग्रहण समारोह भव्यताकासाथ सम्पन्न भएको छ ।
नेपाल स्काउट रा.प्र.का. लैनचौरमा हिजो आयोजित समारोहमा नेपाल स्काउटका राष्ट्रीय तदर्थ समितिका संयोजक लोक बहादुर भण्डारीले नेपाल स्काउटको दीक्षा प्रदान गर्नु भएको थियो ।
कार्यक्रममा आफ्नो निर्देशनात्मक मन्तव्य राख्दै युवा तथा खेलकूद मन्त्रालयका सचिव श्री राम प्रसाद थपलियाले यस तदर्थ समितिको स्काउट विस्तारमा रहने भुमिका बारे विस्तृत रुपमा प्रकाश पार्नु भएको थियो । मन्त्रालयका सचिव थपलियाले नवगठित प्रदेश स्काउट समितिले प्रदेश सरकार संग गर्नुपर्ने आवश्यक समन्वयको महत्वबारे प्रकाश पार्नु भएको थियो ।
नेपाल स्काउटले सरोज यादवको संयोजकत्वमा गत कार्तिक ०६ गते १५ सदस्यिय प्रदेश नं. २ का स्काउट तदर्थ समिति गठन गरेको थियो । प्रदेश समितिको सपथसंगै अब संगठन विस्तार र गतिविधि संचालन गर्ने बाटो खुलेको प्रदेश २ का संयोजक सरोज यादवले बताए । कार्यक्रममा नेपाल स्काउटका राष्ट्रिय तदर्थ समितिका संयोजक लोक बहादुर भण्डारीले स्काउटिङ स्पिरिट लिएर हरेक स्थानिय तहका वडा वडासम्म स्काउटलाई विस्तार गर्न अपिल समेत गरेका थिए ।
