सुदर्शन बजगाई,गोकर्णेश्वर अनलाइन । रोटरी कलब अब होड्स्डनद्वारा निर्माण भएको शुद्ध पिउने पानी परियोजना सम्पन्न गरेर नेपाल महिला तथा बाल सेवा समाजलाई हस्तान्तरण गरिएको छ ।
नेपाल महिला तथा बाल सेवा समाजमा आश्रीत बालबालिकालाई लक्षित गरि बनाईएको शुद्ध पिउने प्लान्ट हस्तान्तरण भएको हो ।
गोकर्णेश्वर नगरपालिका वडा नम्बर ८ का अध्यक्ष नन्दलाल श्रेस्ठको प्रमुख आतिथ्यतामा र गोकर्णेश्वर नगरपालिका वडा नम्बर ८ का वडा सदस्य चन्द्रलाल श्रेस्ठ र सुमन लामाको आतिथ्यतामा सो परियोजना हस्तान्तरण गरिएको हो ।
कार्यक्रमको संयोजन राजर्श्री गुरुकुलका प्रधानाध्यापक एवम् समाजसेवी लियोन श्रेष्ठले गर्नु भएको थियो । श्रेस्ठले विगत १० वर्षदेखी अनाथ बालबालिकालाई सहयोग गर्दै आउनुभएको र सहयोगले अहिलेसम्म निरन्तरता पाएको नेपाल महिला तथा बाल सेवा समाजकी प्रतिनिधि तारा पुडासैनीले बताउनु भयो ।
कार्यक्रममा संस्थाको तर्फबाट तारा पुडासैनी,आशा अर्याल र समाजसेवी सिया श्रेस्ठको उपस्थिति रहेको थियो ।
